Ti has gust dad amis per la vita e l’aventura en la natira cun persunas egualas? Lura es ti qua precis endretg!
Chatta üna secziun da battasendas en tia vischinanza
Il program dals battasendas è concepì tenor ils basegns per mintga vegliadetgna cun ils tschintg staglims casturs, lufins, battasendas, pios e rovers.
Cun ils battasendas malgrà tut (PTA: Pfadi trotz allem) sa pon participar er uffants e giuvenils cun basegns spezials.
Sut il motto “ina giada battasendas, adina battasendas” restan tut las anteriuras battasendas ed ils anteriurs battasendas colliads, saja quai en uniuns separatas u en ils uschenumnads silver scouts.
En il stgalim da casturs pon noss pli pitschens rimnar experientschas. Ensemen cun ils dus casturs da stoffa Mauna e Sori scuvran ils uffants noss mund e passentan uras aventurusas en la natira.
Vegliadetgna: 5 – 6
Activitads: Mintga duas fin quatter emnas e betg dapli che duas uras e mez
Occurrenza chantunala: Na
Champ: Na
Tar ils lufins emprendan ils uffants a chattar lur plazza en la gruppa. Accumpagnads da l’istorgia da la dschungla passentan els aventuras captivantas, rinforzan lur cuminanza e scuvran novas abilitads.
Vegliadetgna: 6-10
Activitads: Mintga segunda emna, ca. trais uras e mesa
Occurrenza chantunala: Fin d’emna da lufins
Champs: Per il pli in champ d’in’emna u la stad u l’atun
En il stgalim dals battasendas scuvran uffants e giuvenil:as il mund dals battasendas en tut lur fassettas. Els emprendan tecnicas da battasendas utilas, surpiglian emprima responsabladad en la gruppa e passentan ensemen ina fin pliras emnas per onn en in champ da tendas.
Vegliadetgna: 10-14
Activitads: Mintga segunda emna, ca. trais uras e mesa
Occurenza chantunala: Champ da Tschuncaisma (PfiLa)
Champ: Per il pli in champ da stad da duas emnas l’onn
Pios pon realisar lur atgnas ideas, cooperar activamain tar la concepziun dal program e surpigliar pass per pass dapli responsabladad. Tras novas experientschas sviluppan els vinavant lur chapientscha da sasez sco er lur vista sin il mund ed auters umans.
Vegliadetgna: 14-17
Activitads: Dependent da l’equippa
Occurenza chantunala: Champ da Tschuncaisma (PfiLa), Champ d’aventuras, Curs da Futura
Champs: Dependent da l’equippa
Il stgalim dals rovers porscha a persunas giuvnas creschidas la pussaivladad da s’engaschar activamain per ils battasendas e la societad. Saja quai sco participantas e participants, organisaturas u sustegniders – Rovers concepeschan lur program a moda autonoma e realiseschan agens projects. En il center stattan l’atgna responsabladad, il spiert da team ed il svilup persunal.
Vegliadetgna: 17+
Occurenzas chantunalas: Champ da Tschuncaisma (PfiLa), occurenzas sportivas (FRET, Battasendas League, BaUnTu)
La PTA porscha activitads che s’orienteschan als basegns ed a las resursas dad uffants e giuvenils cun impediments. Ella pussibilitescha in’experientscha da battasendas variada cun explorar, zambregiar e giugar communablamain en la natira.
Interessà? Qua chattas ti dapli infurmaziuns davart la PTA da la Pfadi Phönix Cuira.
Vegliadetgna: 6-17
Occurrenzas chantunalas: Champ da Tschuncaisma (PfiLa)
Ils Silver Scouts porschan la pussaivladad ad anteriur:as battasendas da restar colliads cun ils battasendas er suenter il temp activ. Saja quai tras activitads cuminaivlas, sustegner occurrenzas u sa barattar cun auters – ils silver scouts mantegnan il spiert dals battasendas. Tut tenor il motto “ina giada battasenda, adina battasendas.”