Battasendas Grischun è il num ufficial dals battasendas dal Grischun. Nus essan l’uniun da tetg cantunala da tut las secziuns da battasendas en il Grischun.
Nus furmain il liom cun la federaziun naziunala PBS (Moviment da battasendas svizzer). Nus promovain il barat, la scolaziun e la generaziun giuvna per ina cultura da battasendas vivida.
Nossas occurrenzas chantunalas regularas sco il champ da Tschuncaisma u la fin d’emna da lufins procuran per ina buna colliaziun da nossas secziuns. Nus vulain porscher ad uffants ed a umans giuvens ina purschida da temp liber en e cun la natira.
Onn da fundaziun: 1918
Secziuns: 10 en tut las regiuns linguisticas: tudestg | talian | rumantsch
Commembers 2024: 750 activs
Stgalims: Casturs (5-6) | Lufins (6-10) | Battasendas (10-14) | Pios (14-17) | Rovers (17+)
Ils battasendas èn politicamain e religiusamain independents e sa basan sin agens princips ch’èn s’adattads permanentamain al temp.
Quai essan nus
Ils battasendas sa cumponan d’ina suprastanza (7 persunas) e d’ina direcziun chantunala (13 persunas).
La suprastanza e la direcziun s’engaschan cun grond plaschair e savair per lur uffizi d’onur. Las numerusas lavurs vegnan coordinadas ina cun l’autra.
In ferm team per ina ferma chaussa: Battasendas duai vegnir vivì cun plaschair en l’entir chantun. Nus essan qua per sustegnair nossas secziuns e noss:as manad:ras – dapertut nua ch’els han basegn.
